Obama Putinlə görüşü dəyərləndirdi - YENİLƏNİB

ABŞ prezidenti Barak Obama rusiyalı həmkarı Vladimir Putinlə görüşü dəyərləndirib.

O, bununla bağlı jurnalistlərə açıqlamasında danışıb: "Adətən, bizim Putinlə görüşümüz açıq, dürüst və işgüzar şəraitdə gedir. Bu da istisna olmadı".

Saat 10:47

"Çində Rusiya prezidenti Vladimir Putinlə ABŞ prezidenti Barak Obama arasında danışıqlar yaxşı keçib".

Teleqraf.com "Ria Novosti" agentliyinə istinadən xəbər verir ki, bunu Rusiya prezidentinin sözçüsü Dmitri Peskov deyib:

"Görüş planlaşdırdığımızdan uzun çəkdi. Suriya və Ukrayna məsələləri müzakirə edilib. Bundan sonra liderlər təkbətək görüş keçirib".

Saat 10:37

Xəbər verdiyimiz kimi, Çinin Xandjou şəhərində ABŞ və Rusiya prezidentləri görüşüb.

Görüş bir neçə dəqiqə əvvəl başa çatıb. Liderlərin görüşü ilə bağlı hələlik açıqlama verilmir.

Saat 10:13

Çində keçirilən G-20 liderlərinin zirvə toplantısı çərçivəsində ABŞ prezidenti Barak Obama və Rusiya prezidenti Vladimir Putin görüşür.

Teleqraf.com "Ria Novosti" agentliyinə istinadən xəbər verir ki, görüş Bakı vaxtı ilə saat 09:10-da başlayıb.

Görüşdə Rusiya xarici işlər naziri Sergey Lavrov, Rusiya prezidentinin köməkçisi Yuriy Uşakov, Rusiya prezidentinin sözçüsü Dmitri Peskov və ABŞ Dövlət katibi Con Kerri də iştirak edirlər.

Samir