Türkiyədə fövqəladə vəziyyət daha üç ay artırıldı

Türkiyə parlamenti hökumətin ölkədə fövqəladə vəziyyət rejiminin 90 gün artırılmasına dair qərarını təsdiqləyib.

Teleqraf.com Anadolu agentliyinə istinadla xəbər verir ki, hökumət oktyabrın 3-də Milli Təhlükəsizlik Şurasının tövsiyəsi əsasında ölkədə oktyabrın 19-dan etibarən fövqəladə vəziyyət rejiminin 90 gün müddətinə artırılmasına dair qərar qəbul edib.

Qeyd edək ki, Türkiyədə fövqəladə vəziyyət rejimi dövlət çevrilişinə cəhddən sonra tətbiq edilməyə başlayıb.