15 Oktyabr 2016 21:32
450
12 Punto 14 Punto 16 Punto 18 Punto

İraqda yas mərasimində törədilən partlayış, nəzarət-buraxılış məntəqəsinə və İŞİD-ə qarşı döyüşən hərbi birləşmə komandirinin evinə hücumlar nəticəsində 55 nəfər ölüb.

APA-nın “RİA Novosti”yə istinadən verdiyi xəbərə görə, ən çox tələfat İŞİD üzvünün yas mərasimində törətdiyi partlayış nəticəsində olub. Terrorçu-kamikadzenin törətdiyi partlayış nəticəsində 41 nəfər ölüb, 33 nəfər yaralanıb.

İŞİD partlayışa görə məsuliyyəti öz üzərinə götürüb.

Bundan başqa, İŞİD terrorçularının nəzarət-buraxılış məntəqəsinə hücumu nəticəsində 8 polis ölüb, 11 nəfəri yaralanıb. Atışma zamanı 3 terrorçu öldürülüb.

İŞİD-ə qarşı döyüşən hərbi birləşmə komandirinin evinə hücum zamanı onun həyat yoldaşı və üç uşağı ölüb. Zabitin özü evdə olmadığından xəsarət almayıb. Polis tərəfindən təqib edilən terrorçular ələ keçməmək üçün özlərini partladıblar.


Müəllif: