Rusiya ilə NATO arasında gəmi qalmaqalı

"Aralıq dənizində Rusiya gəmilərinin hərəkəti haqqında NATO-nun narahatlığına əsas yoxdur".

Teleqraf.com xarici mediaya istinadən xəbər verir ki, bunu Rusiya Xarici İşlər Nazirliyinin ümumavropa əməkdaşlığı departamentinin direktoru Andrey Kelin deyib.

Onun sözlərinə görə, Rusiya təyyarələri Hələb üzərində uçuşlar həyata keçirmir.

Qeyd edək ki, dünən Rusiya Müdafiə Nazirliyi ölkənin gəmilərinin İspaniyanın Seuta portuna buraxılmaması ilə bağlı məlumatı şərh edib. Bildirilib ki, Rusiya gəmiləri iki ölkə arasında razılaşdırılma əsasında Seuta portuna doğru hərəkət edib. İspan tərəfi isə ABŞ və NATO-nun təzyiqi ilə əlaqədar gəminin porta daxil olmasını əngəlləyib.

Samir