Ohanyanın arvadını nazirlikdən qovdular

Ermənistan Səhiyyə Nazirliyində məsləhətçi vəzifəsində çalışan sabiq müdafiə naziri Seyran Ohanyanın xanımı Ruzanna Xaçatryanın müəssisədəki kabineti nazir müavini Samver Markaryana verilib.

Teleqraf.com erməni mətbuatına istinadən xəbər verir ki, Səhiyyə Nazirliyi Xaçatryanın xanımının məzuniyyətdə olduğunu açıqlayıb.

“Joxovurd” qəzeti Ohanyanın xanımının məsləhətçi vəzifəsindən azad olunmadığı halda otağının nazir müavininə verilməsinə aydınlıq gətirmək üçün nazirliyə müraciət edib. Nazirliyin mətbuat xidmətindən bildirilib ki, nazir müavini onlar üçün seçilmiş kabinetdə əyləşir.

Qəzet belə qənaətə gəlib ki, sabiq nazirin xanımının otağını əlindən almaqla onu nazirlikdən rədd ediblər.

Samvel Markaryan ekzotik məmur kimi xarakterizə olunur, belə ki, o, işə velosipeddə və çiyində tutuquşu ilə gəlir.

Nərgiz