Türkiyədən İsrailə yardım

Türkiyə İsraildə meşə yanğınlarının söndürülməsi üçün üç helikopter göndərib.

Teleqraf.com "Anadolu" agentliyi xəbər verir ki, təyyarələr yanğınların söndürülməsində artıq iştirak edirlər.

Qeyd edək ki, İsrailin Hayfa şəhərində dörd gündür davam edən şiddətli yanğınlarla əlaqədar 60 min sakin evakuasiya olunub. Ölkə ərazisində 200-dən çox yanğın ocağı qeydə alınıb.

İsrail hökuməti kömək üçün Azərbaycana da müraciət edib. Prezident İlham Əliyevin tapşırığına əsasən, Fövqəladə Hallar Nazirliyinin amfibiya tipli təyyarəsi yanğınsöndürmə avadanlıqları ilə birgə bu gün günorta saatlarında İsrailə yola düşüb.