İsraildə yanğınlar zamanı 132 nəfər xəsarət aldı

İsrailin Hayfa şəhərində tüğyan edən yanğınlar zamanı 132 nəfər xəsarət alıb. APA-nın “Haares” nəşrinə istinadən verdiyi xəbərə görə, xəsarət alanların hamısı xəstəxanalara yerləşdirilib. Əsasən tüstüdən zəhərlənmə əlamətləri ilə xəstəxanalara gətirilən sakinlərin əksəriyyəti tibbi yardım göstərildikdən sonra artıq evə buraxılıb.

Qeyd edək ki, İsraildə bir həftə əvvəl eyni vaxtda bir neçə rayonda güclü yanğınlar başlayıb.

Yanğınların söndürülməsi üçün Rusiya, Azərbaycan, Türkiyə, Yunanıstan, İtaliya, Xorvatiya, Kipr və İspaniya öz təyyarələrini İsrailə göndəriblər.