Ermənistanın nazir müavini: “Prezidentlərin nə vaxt görüşəcəyini deyə bilmərik”

Azərbaycan və Ermənistan prezidentlərinin Dağlıq Qarabağ münaqişəsini müzakirə etmək üçün Hamburqda görüşəcəkləri hələ dəqiq deyil.

Teleqraf.com xəbər verir ki, bunu Tert.am-a açıqlamasında Ermənistan xarici işlər nazirinin müavini Şavarş Köçəryan deyib.

O, hər iki tərəfin görüşə hazır olması ilə bağlı qeydə belə cavab verib: "Görüş olanda xəbər veriləcək. Daha dəqiq desək, əgər olarsa…"

Nazir müavini görüşün baş tutmasının nədən asılı olmasına dair sualı cavablandırmayıb.