Rusiya Ukraynanı raket zərbəsi ilə hədələdi - Gərginlik artır

"Ukrayna Krım yaxınlığında hərbi təlimlər keçirsə, Rusiya cavab tədbirləri görəcək".

Teleqraf.com xəbər verir ki, bununla bağlı Ukraynanın zn.ua saytı ölkənin Müdafiə Nazirliyinin nümayəndəsinə istinadən məlumat yayıb.

Mənbənin sözlərinə görə, Rusiya məsələ ilə bağlı Ukraynaya xəbərdarlıq məktubu göndərib: "Məktubda bildirilib ki, əgər Kiyev hərbi təlim keçirsə, Moskva ilk növbədə, Ukraynanın raketlərini məhv edəcək. İkinci addımda isə Ukraynanın ağır artilleriyasına raket zərbələri endirəcək".

Öz növbəsində, Ukraynanın Milli təhlükəsizlik və müdafiə şurasının katibi Aleksandr Turçinov bəyan edib ki, Ukrayna bu bölgədə təlim keçirmək niyyətində deyil.

Bu arada, bu gün Rusiya Krımda S-300BM tipli raket əleyhinə müdafiə qurğularının yerləşdirilməsinə başlayıb. S-300 BM "Antey-2500" kiçik və orta mənzilli ballistik raketləri ilə mübarizə imkanı verən hava hücumundan müdafiə sistemidir.

Samir