ABŞ-dakı insident zamanı ölənlərin sayı 5-ə çatdı: 45 yaralı - VİDEO

Amerika Birləşmiş Ştatlarının Fort-Loderdeyl şəhər aeroportunda baş verən silahlı hadisə nəticəsində 5 nəfər ölüb, 45 nəfər xəsarət alıb.

Teleqraf.com xarici mediaya istinadən xəbər verir ki, bununla bağlı yerli polis məlumat yayıb.

Qısa müddətdə hava limanında təlaş yaranıb. İnsanlar qaçaraq aeroportu tərk etməyə cəhd ediblər. Xəsarət alanların əksəriyyəti yaranan izdihamda ayaq altında qalanlardır.

Qeyd edək ki, Fort-Loderdeyl şəhərində 26 yaşlı Alyaska ştatının sakini Esteban Santyaqo hava limanında silahlı insident törədib. Hadisənin səbəbləri məlum deyil.

Samir