Almaniya Amerika tanklarını ölkədən çıxarmağa başladı

Almaniyanın Bremerhafen şəhərindən ABŞ zirehli tank briqadasının çıxarılmasına start verilib.

Teleqraf.com xarici mediaya istinadən xəbər verir ki, 3-cü zirehli tank briqadasına məxsus hərbi texnika Şərqi Avropaya yerləşdiriləcək.

Tanklar Bremerhafen şəhərindən dəmir yolu vasitəsilə daşınacaq. Onların aparılması üçün uzunluğu 14 kilometrə çatan, 900 vaqondan ibarət qatar hazırlanıb. Qatar Almaniya və Polşadan keçərək, lazımi bölgəyə çatdırılacaq.

Qeyd edək ki, ötən ilin aprelində yayılan məlumatlarda ABŞ-ın Estoniyaya 120 hərbçi və 10 tank göndərəcəyi bildirilmişdi.

Samir