İtaliyada qar uçqunu: 8 nəfər xilas edildi

İtaliyada xilasedicilər bir gün sonra qar uçqunu altında qalmış Rigopiano hotelində 8 sağ adam aşkar ediblər.

Teleqraf.com xarici KİV-ə istinadən xəbər verir ki, ümumilikdə 4 nəfərin cəsədi tapılıb. Qalanları isə itkin düşmüş hesab olunur.

Çərşənbə günü Mərkəzi İtaliyada baş verən zəlzələnin ardınca gələn qar uçqunu Qran-Sasso dağlarında kiçik hotellərdən birini basıb.

Nəticədə 30-dək adam itkin düşüb.

Yollar bağlandığından xilasedicilər hadisə yerinə bir neçə saatdan sonra çata biliblər.