Mal-qara oğurluğu edən dəstə zərərsizləşdirildi –ƏMƏLİYYAT

Azərbaycanın üç rayonunda mal-qara oğrularına qarşı əməliyyat keçirilib.

Teleqraf.com xəbər verir ki, Şəki və Qax rayon polis şöbələri əməkdaşlarının keçirdikləri əməliyyat-axtarış tədbirləri nəticəsində yanvarın 20-nə keçən gecə Qax rayonunun “Kilsəburun” adlanan ərazisindəki fermalardan birindən 2 baş inək oğurlamaqda şübhəli bilinən Ağcabədi rayon sakinləri Vasif Kərimov, Seymur Hümbətov və Şaiq Hümbətov tutulublar.

Bundan başqa, Şəmkir rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində yanvarın 19-da rayon sakinlərinə məxsus 2 həyətdən 7 baş qoyun oğurlamaqda şübhəli bilinən Şiştəpə kənd sakini, əvvəllər məhkum olunmuş Ramiz Əliyev tutulub.

Hacı Zeynalov