Latviya XİN: Dağlıq Qarabağdakı vəziyyət bizi narahat edir

Dağlıq Qarabağda vəziyyətin gərginləşməsi narahatlıq yaradır.

Teleqraf.com-un məlumatına görə, bu barədə Bakıda səfərdə olan Latviyanın xarici işlər naziri Edqars Rinkeviçs azərbaycanlı həmkarı Elmar Məmmədyarovla birgə brifinqdə deyib.

E.Rinkeviçs qeyd edib: "Regiondakı vəziyyətin mürəkkəbliyini başa düşürük. Mətbuatda vəziyyətin gərginləşməsinə dair xəbərlər bizi narahat edir. Biz ərazi bütövlüyü prinsipinə sadiqik və Minsk qrupu tərəfindən aparılan danışıqlar prosesini dəstəkləyirik. Bu, təkcə ATƏT deyil, Şərq Tərəfdaşlığı və Avropa İttifaqı çərçivəsində də müzakirə olunur".