OPEK-in baş katibi: Bazarda həddindən artıq neft var

Dünya bazarında neft qiymətlərinin səviyyəsi hələ ki, onun yaxın müddətdə sürətlə bahalaşacağı ehtimalından uzaqdır.

Teleqraf.com xarici KİV-ə istinadən xəbər verir ki, bunu OPEK-in baş katibi Məhəmməd Barkindo deyib.

Onun sözlərinə görə, neft ölkələrinin hasilatı azaltmaq barədə qərarına baxmayaraq neft ehtiyatları hələ də həddən artıq çoxdur: "Neft bazarında qiymətlərin bahalaşacağını gözləmək tezdir. Hasil olunan neft ehtiyatları həddən artıq çoxdur".