"Əl-Məyadin": Türkiyə Əl-Babda 400 hərbçisini itirdi

İŞİD terror qruplaşması Suriyanın şimalındakı Əl-Bab şəhərindən çəkildiyini bildirib.

"Report"un məlumatına görə, bu barədə "Əl-Məyadin" telekanalı xəbər verib.

Telekanal həmçinin qeyd edib ki, İŞİD terrorçuları ilə 104 günlük hərbi toqquşma zamanı bu ərazidə Türkiyə ordusunun 400 hərbçisi həlak olub.

Qeyd edək ki, bundan əvvəl Suriya üsyançıları Əl-Bab şəhərinə nəzarəti ələ aldıqlarını bildiriblər. Türkiyənin müdafiə naziri Fikri İşıq da bildirib ki, Əl-Babın demək olar, bütün ərazisi Türkiyə Hərbi Qüvvələrinin dəstək verdiyi Suriya üsyançılarının əlindədir.