Jirinovski: “Rusiyada monarxiya bərpa edilməlidir”

Rusiyanın dövlət idarəçiliyi üçün ən ideal prinsip monarxiyanın bərpasıdır.

Axar.az xəbər verir ki, bunu jurnalistlərə açıqlamasında Rusiya Liberal Demokrat Partiyasının sədri Vladimir Jirinovski söyləyib.

“Monarxiya rejimi ölkə üçün ən ideal variantdır. Çoxmillətli və çoxdinli ölkə yalnız monarxla mövcud ola bilər. Bu, həm də partiyaya bənzəyir. Partiya liderini məhv etsəniz, partiya da yox olacaq. Monarxın da əlinin altında xalq toplanır. Rusiyaya əhalini qorxudan və inkişafa mane olan çoxpartiyalılıq gərək deyil. Seçkidə yalnız üç güclü partiya iştirak etməlidir. Bunlardan biri mühafizəkarlar, başqası sosial demokratlar, digəri isə LDPR olmalıdır”, – deyə, o bildirib.