Türkiyə Niderlanda qarşı sanksiyalar tətbiq edə bilər

Türkiyə Niderlanda qarşı iqtisadi sanksiyalar tətbiq edə bilər.

Bu barədə Türkiyənin gömrük və ticarət məsələləri üzrə naziri Bülənt Tüfenkçi bildirib.

Onun sözlərinə görə, bu vaxtadək Niderlanda qarşı yalnız siyasi və hüquqi sanksiyalar nəzərdən keçirilib, lakin yaxın günlərdə iqtisadi sanksiyaların da gündəliyə salınacağı istisna edilmir.

Xatırladaq ki, bundan əvvəl Ankara ölkənin hava məkanını Niderlandın diplomatik reysləri üçün bağlayıb. Bundan başqa Hollandiya səfirinə ölkəyə girişinə qadağa qoyulub, Türkiyə-Niderland parlamentlərarası Dostluq qrupunun fəaliyyəti dayandırılıb.
/APA/