Qondarma rejimin sabiq "müdafiə naziri" etiraf etdi

Azərbaycanın işğal olunmuş ərazilərində yaradılmış qondarma rejimin sabiq "müdafiə naziri" Samvel Babayan silah-sursat qaçaqmalçılığında iştirak etdiyini etiraf edib.

Trend-in Ermənistan mətbuatına istinadən verdiyi məlumata görə, Samvel Babayan və digər həbs olunanlar "İqla" zenit-raket komplekslərinin qaçaqmalçılığında iştirak etdiyini etiraf ediblər.

Qeyd edək ki, sabiq "müdafiə naziri"nin "İqla" zenit-raket komplekslərinin qaçaqmalçılığı ilə bağlı cinayət işi ilə əlaqədar Yerevan məhkəməsinin qərarı əsasında iki ay müddətinə həbs olunub.