Ruhani Putinlə görüşdü

İran prezidenti Həsən Ruhani Moskvada rusiyalı həmkarı Vladimir Putinlə görüşüb.

Teleqraf.com xəbər verir ki, bununla bağlı "Qazeta.ru" saytı məlumat yayıb.

Görüş zamanı Putin Rusiya və İranın uzun müddətli əməkdaşlığa malik olduqlarını bildirib: "İran bizim mehriban qonşumuz və etibarlı sabit tərəfdaşımızdır. Biz bütün istiqamətlərdə effektiv praktik işlər görürük. Diplomatik əlaqələrimizin 500 illik tarixi var".

Putin qeyd edib ki, İran və Rusiya arasında ticarət dövriyyəsi 70 faizə çatıb: "Çətin iqtisadi şəraitdə bu, unikal nəticədir".

Ruhani öz növbəsində bildirib ki, son illər Rusiya və İrana arasında münasibətlər inkişaf edib və hazırda yeni mərhələyə qədəm qoyub. O, həmçinin, terrorçuluğa qarşı birgə mübarizəyə diqqət çəkib.

Samir