Ermənistan MSK: Parlamentə dörd partiya və blok keçir

Ermənistanda keçirilən seçkilərin ilkin nəticələrinə görə parlamentə 4 partiya və blok keçir.

Teleqraf.com “news.am”a istinadən verdiyi xəbərə görə, bu barədə Ermənistan Mərkəzi Seçki Komissiyasının məlumatında bildirilir. Hazırda 1807 məntəqədən daxil olan bülletenlərin 88 faizi hesablanıb.

Məlumata görə, ilk yeri səslərin 49,06 %-ni toplayan Respublika partiyası tutur. İkinci yerdə “Tsarukyan” bloku (27,58 %) qərarlaşıb. Bülletenlərin 88%-nin hesablanmasından sonra “Yelk” bloku 7%-liq keçid həddini adlaya bilib. 7,69% səs toplayan “Yelk” “Daşnaksutyun” partiyasını (6,61%) qabaqlayıb.

"Ohanyan-Raffi-Oskanyan" bloku isə cəmi 2,08% səs yığa bilib. Parlamentdə təmsil olunmaq üçün partiyalar ən azı 5, bloklar isə 7 faiz səs qazanmalıdır.

Kəmalə