Şimali Koreya ABŞ və müttəfiqlərini hədələdi

Şimali Koreya Silahlı Qüvvələri ABŞ və Cənubi Koreyaya "sərt müqavimət" göstərəcəklərini vəd edib.

"Report" xəbər verir ki, bu barədə "Renxap" məlumat yayıb.

"Bizim ABŞ və onun vassallarına qarşı müqavimətimiz təcavüzkarların sağ qalmasına yol verməyəcək dərəcədə amansız olacaq", - deyə Koreyanın Mərkəzi Teleqraf Agentliyi hərbçilərin sözlərini sitat gətirir.

"Şimali Koreya Silahlı Qüvvələri KXDR-nin ləyaqət və suverenliyinə əl uzadanlara qarşı həmişə olduğu kimi mərdcəsinə mübrizə aparacaq və həmişə ABŞ-ın təxribat xarakterli planlarını amansızcasına pozacaq", - deyə bəyanatda bildirilir.