Venesueladakı iğtişaşlarda 20 nəfər öldü

Ölənlərin sayı hər gün artır

Venesuelada baş verən iğtişaşlar nəticəsində ölənlərin sayı hər gün artır.

Teleqraf.com xarici mediaya istinadən xəbər verir ki, paytaxt Karakasda baş verən iğtişaşlar zamanı 20 nəfər ölüb.

Məlumatda bildirilir ki, soyğunçular çörək sexini qarət etmək istəyərkən səkkiz nəfər elektrik cərəyanının vurması nəticəsində ölüb. Daha iki nəfər, o cümlədən ticarət köşkünün sahibi qarətçilərə müqavimət göstərən zaman güllələnib.

Polis ölkənin müxtəlif bölgələrində etirazçıları dağıtmaq üçün gözyaşardıcı qazdan istifadə edib.