Lavrov: "Obamanın adamları hələ də vəzifədədir"

ABŞ Prezidenti Donald Trampa komandasını formalaşdırmaq üçün ən azı 8 ay vaxt lazımdır.

Teleqraf.com-un "RİA Novosti"yə istinadən xəbərinə görə, bunu Rusiya Xarici İşlər naziri Sergey Lavrov bildirib.

"Bu gün hər şey ətalət üzrə inkişaf edir. Yerlərdə hələ də Obamanın adamları vəzifə başındadır. Biz tam gücü ilə əməkdaşlığa başlaya bilmirik. Çünki Trampın komandası hələ formalaşmayıb. Mən bilmirəm, bu, nə qədər vaxt aparacaq. Obama Corc Buşdan sonra öz komandasını 8 aya formalaşdırdı. Düşünmürəm ki, Tramp bu məsələni Obamadan tez həll edəcək", - rusiyalı nazir "Eskvayr" jurnalına bildirib.

"Siz Moskva və Vaşinqton əlaqələrinin indiki durumunu necə xarakterizə edərdiniz" sualına Lavrov bir sözlə cavab verib: "Gözlənti".

Xatırladaq ki, Tramp yanvarın 20-dən ABŞ prezidenti kimi işə başlayıb.