Savçenko Makrondan sanksiyaları gücləndirməyi xahiş etdi

Ukrayna Ali Radasının deputatı Nadejda Savçenko Fransanın yeni seçilmiş prezidenti Emmanuel Makrondan Rusiyaya qarşı sanksiyaları sərtləşdirməyi xahiş edib.

Teleqraf.com xəbər verir ki, siyasətçi bununla bağlı “Feysbuk” sosial şəbəkəsində məlumat yerləşdirib. N.Savçenko məlumata məktubun surətini də əlavə edib.

“Sizə Rusiya Federasiyasına qarşı sanksiyaları saxlamaq və hətta gücləndirmək xahişi ilə müraciət edirəm. Bu ölkə ancaq gücü və qətiyyəti anlayır. Hansı ki, şəxsən siz və sizin ölkəniz dünya liderlərindən biri kimi gücə və qətiyyətə maliksiniz”, -deyə məktubda bildirilir. Bundan əlavə Savçenko Makrona və fransız xalqını təbriklərini çatdırıb.

Səxavət