FTB-nin qovulan direktorundan - Vida məktubu

ABŞ prezidenti tərəfindən işdən çıxarılan Federal Təhqiqatlar Bürosunun (FTB) direktoru Ceyms Komi iş yoldaşlarına yazdığı vida məktubunda bəyan edib ki, prezidentin bu qərar barədə düşünməyə zaman ayırmayacaq: “Siz də buna zaman ayırmayın”.

Teleqraf.com xarici mediaya istinadən xəbər verir ki, Komi məktubunda ölkə prezidentinin FTB direktorunu hər hansı səbəbdən və ya heç bir səbəb olmadan qova biləcəyinə inandığını deyib: “Bu qərar və ya onun həyata keçirilmə forması haqda düşünməyəcəyəm. Ümid edirəm ki, siz də belə edəcəksiz. Sizin üçün çox darıxacağam”.

FTB-nin sabiq direktoru daha sonra məktubunda ABŞ-ın qarışıq bir dövrdə olduğunu qeyd edib: “Amerika xalqı bu qarışıqlıq dövründə FTB-ni dürüstlük, ləyaqət və müstəqillik qayası kimi görməlidir”.

Sonda Ceyms Komi FTB-dan ayrılmağın çətin olduğunu da qeyd edib.

Cavad