Son 5 ayda İtaliyaya 46 min qaçqın gedib

Son 48 saat ərzində Liviyadan Aralıq dənizi vasitəsilə İtaliyaya keçməyə çalışan 5 min qaçqın xilas edilib.

Teleqraf.com Türkiyə mediasına istinadən xəbər verir ki, həftənin cümə günü 2900 miqrant xilas edilib, bunlardan 2300 nəfəri beynəlxalq və İtaliya sularından olduğu üçün İtaliyaya aparılıb. 580 miqrant isə geriyə, Liviyaya qaytarılıb. Dünən gecə isə 17 gəmidə 2100 miqrant tapılıb.

İtaliyaya qaçqın axınının ötən illə müqayisədə 30 faiz artdığı bildirilir. Yeni ildə bu günə qədər İtaliyaya gələn qaçqınların sayının 46 minə çatdığı ifadə edilir.