Əsəd ABŞ-ın yerlə-bir etdiyi bazaya qayıtdı

Suriya ordusuna məxsus qırıcılar bir müddət öncə ABŞ tərəfindən bombardman edilən Şayrat aviabazasına geri dönüb.

Teleqraf.com xəbər verir ki, bununla bağlı "NBC Nyus" telekanalı amerikalı hərbçilərə istinadla məlumat yayıb. Telekanalın məlumatına görə, suriyalılar dağıdılmış infrastrukturun müəyyən hissəsini bərpa ediblər.

Son bir neçə gündə Əsəd ordusuna məxsus bir neçə ədəd Su-22 və MiQ-33 qırıcısı bazaya eniş edib.

Qeyd edək ki, ABŞ aprelin 7-də Şayrat aviabazasına 59 raket atıb.