İranda seçkilərin nəticəsi təsdiqləndi

İranın Konstitusiyaya Nəzarət Şurası ölkədə keçirilən 12 –ci dövr prezident seçkilərinin nəticələrini təsdiqləyib.

Teleqraf.com APA-ya istinadən xəbər verir ki, bunu İranın Daxili İşlər Nazirliyinin sözçüsü Seyid Salman Samani bildirib. S. Samani bildirib ki, Şura hesabatlar və şikayətlərə müxtəlif iclaslarında baxıb və konstitusiyanın 79-cu maddəsini rəhbər tutaraq, keçirilmiş prezident seçkilərinin nəticələrini təsdiqləyib.

S.Samani bildirib ki, seçkilər zamanı yol verilən qanun pozuntuları ilə bağlı bəzi şikayətlər baxılması üçün məhkəməyə göndərilib.

Xatırladaq ki, may ayının 19-da İranda keçirilən prezident seçkilərində hazırkı prezident Həsən Ruhani 23 milyon 594 min 616 (57 faiz) səslə qələbə qazanaraq yenidən prezident olub. Onun əsas rəqiblərindən İ.Rəisi isə 15 milyon 786 min 449 (38.5 faiz) səs qazanmışdı.