ABŞ-dan Türkiyəyə silah embarqosu

ABŞ mətbuatı Rəcəb Tayyib Ərdoğanın səfəri zamanı Vaşinqtonda yaşanan olaylar üzündən Türkiyəyə sanksiya tətbiq ediləcəyi barədə məlumat yayıb.

"Nyu York Tayms" qəzetində gedən məqalədə qeyd olunur ki, Ərdoğanın Vaşinqtona ziyarəti zamanı Türkiyə səfirliyinin qarşısında prezidentin cangüdənlərinin etirazçılara güc tətbiq etməsi iki ölkə arasındakı silah alqı-satqısı anlaşmasını risk altına qoyur.

Qəzet baş verənlərdən sonra ABŞ-Türkiyə arasında 1.2 milyon dollar dəyərində silah satışı anlaşmasının gələcəyinin sual altında olduğunu yazıb.

Məsələ ilə bağlı nə ABŞ, nə də Türkiyə tərəfi qəzetin sorğusuna cavab verməyib.