8 İyul 2017 09:06
803
12 Punto 14 Punto 16 Punto 18 Punto

Türkiyənin Sirt şəhərinin Baykan qəsəbə bələdiyyəsinin sədrinin müavini Mehmet Kocabəyin xidməti avtomobilinə partlayıcı maddə quraşdırılıb.

Teleqraf.com Türkiyə mediasına istinadən xəbər verir ki, Yarımca kəndinə gələn bələdiyyə rəsmisinin avtomobilinə əllə hazırlanan bomba yerləşdirilib.

Rəsmi açıqlamada qeyd olunur ki, bələdiyyə rəsmisi terror təşkilatı tərəfindən sui-qəsdə məruz qalıb: “Partlayış zamanı məmur və mühafizəçilər xəsarət almayıb”.

Türkiyə daxili işlər naziri Süleyman Soylu deyib ki, terrorçuların məqsədi Mehmet Kocabəyi məhv etmək olub: “Amma terrorçuların niyyəti baş tutmayıb. Bomba öncədən aşkar edilib”.

Polis faktla bağlı araşdırma aparır.


Müəllif: Cavad