Səudiyyə ilə ABŞ-dan İranla bağlı - Vacib görüş

Səudiyyə Ərəbistanının xarici işlər naziri Adil əl Cübeyr “Əl-Ərəbiyyə” telekanalına açıqlamasında Almaniyanın Hamburg şəhərində “Böyük iyirmiliyin” sammitində İranın terrorçulara dəstəyi haqda ABŞ rəsmiləri ilə apardığı müzakirələrdən danışıb.

Teleqraf.com xarici mediaya istinadla xəbər verir ki, o, ABŞ Dövlət katibi Reks Tillersonla apardığı müzakirələrin detallarını açıqlamaqdan imtina edib:

“Bu görüş çox faydalı oldu. Tillersonla təkbətək görüşümüzdə Qətər böhranı ilə yanaşı, həm də İranın bölgəyə açıq-aşkar müdaxiləsi və onun terrorçu qruplara yardımı, eləcə də bir sıra regional məsələlər və qarşılıqlı münasibətlərimiz barədə danışıqlar aparmışıq”.