13 İyul 2017 14:08
607

Fransa Dağlıq Qarabağ münaqişəsinin nizamlanmasına dair müntəzəm olaraq danışıqların aparılmasının tərəfdarıdır.

Teleqraf.com erməni mediasına istinadla xəbər verir ki, bu fikirləri Fransanın Ermənistandakı səfiri Jan-Fransua Şarpantye keçirdiyi mətbuat konfransında deyib.

“Biz dövlət başçıları arasında birbaşa və imkan daxilində mütəmadi dialoqun tərəfdarıyıq. Bu nöqteyi-nəzərdən xarici işlər nazirlərinin bu yaxınlarda baş tutan görüşünü alqışlayırıq. Mən dəfələrlə qeyd etmişəm ki, münaqişənin hərbi yolla həlli yoxdur. Münaqişə ancaq danışıqlar yolu ilə, mütəmadi dialoq vasitəsilə nizamlana bilər”, - deyə Şarpantye bildirib.

Onun sözlərinə görə, yalnız xarici işlər nazirləri arasında görüşlərlə kifayətlənmək lazım deyil, gələcəkdə dövlət başçılarının görüşünün təşkil edilməsi olduqca vacibdir: “Belə təəssürat yaranıb ki, sonuncu görüş buna kömək edə bilər və növbəti görüşlərin keçirilməsi üçün fəal işləmək lazımdır”.


Müəllif: Nərgiz Ehlamqızı