Trampın köməkçisi: Rusiyaya şans vermək istəyirik

ABŞ Prezidenti Donald Tramp Rusiyaya əməkdaşlıq üçün şans vermək istəyir.

Teleqraf.com xarici mediaya istinadla xəbər verir ki, bu sözləri Trampın ikinci köməkçisi Sebastyan Qorki deyib.

O bildirib ki, Tramp, rəhbərlik etdiyi administrasiyanın Rusiyanın diplomatik mülkiyyətinin qaytarılması məsələsini müzakirə etdiyini açıqlayıb:

"Biz Rusiyaya şans vermək istəyirik. Ola bilər ki, biz eyni fəlsəfəni paylaşmırıq və rəhbərliyimiz dünyaya fərqli formada baxır, ancaq eyni mövqe sərgilədiyimiz bəzi məsələlər var. Bunlardan biri Suriya məsələsidir".