14 İyul 2017 15:02
587

Şimali Koreya BMT Təhlükəsizlik Şurası tərəfindən "Xvason-14" raketlərinin sınağı ilə əlaqədar Pxenyan rəhbərliyinə qarşı atılacaq hər hansı addıma cavab verəcək.

Teleqraf.com xarici mediaya istinadla xəbər verir ki, bununla bağlı Koreya Xalq Demokratik Respublikasının (KXDR) Xarici İşlər Nazirliyi bəyanat verib:

"Əgər BMT TŞ hər hansı sanksiya qətnaməsi qəbul etsə, biz əadlətli cavab tədbirləri görəcəyik".

Nazirlik Vaşinqtonu da təhdid edib: "ABŞ atdığı addımlarla özünə qəbir qazır".

Qeyd edək ki, Şimali Koreya sonuncu dəfə iyulun 4-də raket sınağı keçirib. Yerli rəsmilər sınağın uğurlu keçdiyini bildiriblər. Sınaq ABŞ və BMT TŞ tərəfindən etirazla qarşılanıb.


Müəllif: Samir