18 nəfərin qatili İrəvana göndərildi

2013-cü ildə Yeni Moskva ərazisində idarə etdiyi yük avtomobili ilə qəza törədən və 18 nəfərin ölümünə səbəb olan Ermənistan vətəndaşı Qraçi Arutyunyan ölkəsinə ekstradisiya olunub.

Teleqraf.com xarici mediaya istinadla xəbər verir ki, bununla bağlı Ermənistanın Ədliyyə Nazirliyi məlumat yayıb.

Arutyunyan yaxın vaxtlarda Ermənistanda məhkəmə qarşısına çıxarılacağı bildirilib.

Qeyd edək ki, Rusiya məhkəməsi Arutyunyanı 6 il 9 ay müddətinə azadlıqdan məhrum etmişdi.