27 İyul 2017 10:45
875

İsrail hökuməti Əl-Əqsa məscidi ətrafındakı dəmir baryerlərin yığışdırılması ilə bağlı qərar qəbul edib.

Teleqraf.com xarici mediaya istinadla xəbər verir ki, bununla bağlı İsrail televiziyası məlumat yayıb.

Dəmir baryerlərin gecə saatlarında yığışdırıldığı bildirilib.

Qeyd edək ki, İsrail polisi Əl-Əqsa məscidinə dəmir detektorlar quraşdırmış və yaşı 50-dən az olan insanların bura daxil olmaması üçün məscidin ətrafına dəmir baryerlər qurmuşdu.

Qərar fələstinlilər tərəfindən etirazla qarşılanmışdı. Baş verən toqquşmalardan sonra İsrail tərəfi dəmir detektorları təhlükəsizlik kameraları ilə əvəzləmişdi.


Müəllif: Samir