Məhkəmə işçiləri itkin düşdü - İnsident

Altı sərnişini olan motorlu qayıq Lena çayında çevrilərək aşıb.

Teleqraf.com xəbər verir ki, insident Yakutiyanın Nam rayonunda baş verib.

“İlkin məlumata görə, qayıqda 6 nəfər olub. İndiyədək onlardan yalnız biri xilas edilib. Hadisə yerinə operativ istintaq qrupu çıxıb, axtarışlar davam etdirilir”, - deyə Rusiya Daxili İşlər Nazirliyinin mətbuat xidmətindən “İnterfaks” agentliyinə bildirilib.

Olay barədə məlumatlı şəxs qayıqda Yakutiya məhkəməsi hakiminin nümayəndəsi və icra məmurunun olduğunu bildirib.