Saakaşvili Gürcüstan və Ukrayna arasında qaldı

“Gürcü xalqı küçəyə çıxacaq və oliqarx rejimi devirəcək”.

Teleqraf.com xarici mediaya istinadla xəbər verir ki, bu sözləri Gürcüstanın sabiq prezidenti Mixail Saakaşvili sosial şəbəkədə yazıb.

Sabiq prezidentin sözlərinə görə, ona qarşı gürcü prokurorluğunda başlanan cinayət işi hazırkı hakimiyyət tərəfindən qurulmuş oyundur: “Gürcü xalqı oliqarx rejimdən təngə gəlib. Mən Tiflisə gedən kimi bütün xalq ayağa qalxacaq və onları devirəcək”.

Ancaq Gürcüstanın hazırki hakimiyyətinin devrilməsi Saakaşvilinin uzaq planlarına aiddir. Hazırda o, Urkayna rəhbərliyini devirməyə çalışır.

Qeyd edək ki, iyulun 26-da ABŞ-da səfərdə olarkən Ukrayna Prezidenti Petro Poroşenko Mixail Saakaşvilini vətəndaşlıqdan məhrum edib. Bundan sonra, Saakaşvili sənədsiz Avropanı fəth etməyə və Poroşenkoya qarşı fikirlər səsləndirməyə başlayıb.

O, Kiyevi çevrilişlə hədələyib.