Hindistan 36 qırıcı təyyarə alır

Hindistan Hərbi-Hava Qüvvələri Fransa istehsalı olan “Rafale” təyyarəsinin yeni partiyasını almağı planlaşdırılır.

Teleqraf.com zəbər verir ki, uzunmüddətli perspektivdə ölkəyə 36 ədəd fransız qırıcısı çatdırılacaq.

Dəyəri 7,8 milyard avro olan sözügedən müqavilə 2016-cı ilin sentyabrında imzalanıb. Bu məbləğin 60 faizi bəri başdan ödənilib.

Daha öncə isə Dehli və Paris 126 ədəd “Rafale” qırıcısının alınmasına dair danışıq aparırdı. Lakin qiymətlərin baha olması səbəbindən bu say 36-ya düşdü.