Gülnarə Kərimovanın qızı babasının abidəsi önündə - FOTO

Həbsdə olan Gülnarə Kərimovanın qızı bu gün Daşkənddə ucaldılan İslam Kərimovun ilk heykəlini ziyarət edib.

Teleqraf.com xəbər verir ki, babasının abidəsinin açılış mərasiminə qatılan Gülnarə Kərimovanın qızı heykəlin önünə gül dəstələri düzüb.

Sosial şəbəkələrdə İslam Kərimovun kiçik qızı Lola Kərimova-Tillyaevanın mərasimdən bacısı qızı ilə fotoşəkli yayımlanıb.
Qeyd edək ki, İslam Kərimovun böyük qızı 45 yaşlı Gülnarə Kərimova hazırda həbsdədir. Özbəkistanın Baş Prokurorluğu Gülnarə Kərimovaya qarşı 2015-ci ildə 2 maddə üzrə ittiham irəli sürüb və nəticədə o, 5 il müddətinə azadlıqdan məhrum olunub. 1989-cu ildən Özbəkistana başçlıq edən İ.Kərimov 2016-cı il sentyabrın 2-də 78 yaşında insultdan vəfat edib. Bu ilin yanvarında Prezident Şövkət Mirziyoyev İ.Kərimovun xatirəsinin əbədiləşdirilməsi barədə fərman imzalayıb.