Tramp haqqında xoşagəlməz - 10 söz

ABC Nyus telekanalı və "Vaşinqton Post" qəzeti amerikalıların Prezident Trampı hansı sözlərlə xarakterizə etdiyini aydınlaşdırıb.

Teleqraf.com xarici KİV-ə istinadən xəbər verir ki, sorğuya görə, Tramp haqqında ən çox "səriştəsiz" sözü işlədilib.

Bundan başqa top-10-a bu sözlər düşüb: özündənrazı, güclü, idiot, eqoist, cahil, böyük, irqçi, özünəvurğun. Onun haqqında daha bir söz işlədilib. İngilis dilində 7 hərfdən ibarət olan və söyüş kimi işlədilən bu söz ağılsız, mənəvi keyfiyyətləri aşağı olan adamlar haqqındadır.

Bəzi sorğu iştirakçıları isə onun haqqında "qərarlı", "əsl ameriaklı", "patriot", "lider" sözünü işlədiblər.

Trapm Respublikaçılar Partiyasından olsa da, sorğu iştirakçılarından heç kim onun haqqında "konservator" və ya "respublikaçı" sözünü işlətməyib.