ABŞ-dan Şimali Koreyanın raket sınağına – Reaksiya

ABŞ Şimali Koreyanın raket sınaqlarının qarşısını almaq üçün əlavə tədbirlər planı hazırlayır.

Teleqraf.com xarici mediaya istinadla xəbər verir ki, bununla bağlı ABŞ-ın vitse-prezidenti Mayk Pens məlumat verib.

Onun sözlərinə görə, ABŞ Prezidenti Donald Trampın təklifi ilə Şimali Koreya terrorçuluğa dəstək verən ölkələr sırasına daxil ediləcək: “Kim Çen İn rejiminin ABŞ Silahlı Qüvvələri və Trampın səbri ilə oynamaması lazımdır. ABŞ Şimali Koreyanı həmişəlik nüvə silahından imtina etməyə vadar edəcək”.