ABŞ və Cənubi Koreya Hərbi-Hava Qüvvələri dekabrın 4-də genişmiqyaslı birgə təlimlərə başlayıb.
Teleqraf.com xarici mediaya istinadla xəbər verir ki, Şimali Koreyanın raket sınaqları fonunda keçiriləcək təlimlər 5 gün davam edəcək.
Məlumata görə, təlimlərə 12 000 amerikalı, 4 min Cənubi koreyalı hərbiçi və 230-dan çox hərbi texnika cəlb edilib.
ABŞ komandanlığının məlumatında bildirilir ki, təlimlərin məqsədi ABŞ və Cənubi Koreya HHQ-lərinin döyüş qabiliyyətini artırmaq, onların arasında koordinasiyanı gücləndirilməkdir.