Əgər Rusiyada yaxın zamanlarda prezident seçkisi keçirilsə, Vladimir Putin 25 faiz səs alar.
Teleqraf.com RBK-ya istinadla xəbər verir ki, bu nəticəni "Romir" tədqiqat mərkəzinin noyabr ayında keçirdiyi rəy sorğusu göstərib.
Putindən sonra ikinci yerdə 8 faizlə Rusiya Liberal Demokrat Partiyasının sədri Vladimir Jirnovski gəlir. Üçüncü yerdə isə Rusiya Kommunist Partiyasının rəhbəri Gennadi Züqanovdur - 7 faiz.
Müxalif namizədlərdən Aleksey Navalnı 3 faiz, Kseniya Sobçak isə 2 faiz səs yığıb.
Rəy sorğusunda ölkənin müxtəlif bölgələrində yaşayan 28 yaşdan yuxarı 2400 rusiyalı iştirak edib.
Rusiyada prezident seçkisi 2018-ci il martın 18-də keçiriləcək. Hələlik Valdimir Putinin seçkiyə qatılıb-qatılmayacağı bəlli deyil.