Makronun sözləri İraq rəsmilərini qəzəbləndirdi – Etiraz

İraq prezidentinin müşaviri Nuri əl-Maliki Fransa Prezidenti Emmanuel Makronun “Haşdi Şabi qruplaşmasının ləğv edilməsi vacibdir” fikrinə sərt reaksiya verib.

Teleqraf.com xarici mediaya istinadla xəbər verir ki, o, bu məsələnin İraqın daxili işi olduğunu bildirib:

“Fransa konstitusiyasında başqa dövlətlərin daxili işlərinə qarışmamaq maddəsi var. Makron isə bu maddəni pozub. Bu cür açıqlamaları rədd edirik. Bu, İraqın suverenliyinə hörmətsizlikdir”.

İraq parlamentinin birinci vitse-spikeri Humam Hammudi də Makronun bu fikirlərinə etiraz edib:

“Haşdi Şabi döyüşçüləri olmasaydı, İŞİD terrorçuları indi Fransanı məhv etmişdi”.

Qeyd edək ki, Makron bu fikirlərini İraq Kürdüstanının rəhbəri Nəcirvan Bərzani ilə Parisdə keçirdiyi görüşündə səsləndirib.