Pakistanda kilsəyə hücum: 8 ölü

Pakistanın Bəllucistan əyalətindəki Ketta şəhərində ayin zamanı kilsəyə silahlı hücum olub. Nəticədə 8 nəfər ölüb, 44 nəfər yaralanıb.

Ayində 400 nəfərə yaxın şəxs iştirak edib. Kilsəyə 4 nəfər hücum edib. Onlardan biri üzərindəki bombanı partladıb. Digər bir nəfəri təhlükəsizlik qüvvələri məhv edib. İki silahlı isə olay yerindən qaça bilib.

Olayla bağlı məsuliyyəti heç bir qruplaşma öz üzərinə götürməyib.