Amerika Ukraynaya silah verəcək - Rusiya narahatdır

Amerika Ukraynaya tank əleyhinə raketlər satacaq.

Teleqraf.com xarici mediaya istinadla xəbər verir ki, bu haqda Dövlət Departamenti məlumat yayıb.

Departamentin bu məlumatı ilə paralel olaraq Ukrayna hökuməti ölkənin şərqindəki separatçılara Rusiya tərəfindən tanklar göndərdiyini bəyan edib.

“ABŞ Ukraynanın uzun müddətli müdafiəsi prosesinə dəstək olmaq, müstəqilliyini və ərazi bütövlüyünü müdafiəsi üçün ona yardımçı olmaq qərarı verib”, - deyə, Dövlət Departamentinin sözçüsü Neather Nauert bəyan edib.

Qeyd edək ki, Qərb mediası Dövlət Departamentində olan mənbələrinə söykənərək Ukraynaya 210- ədəd tank əleyhinə raket və 35 ədəd raket zərbəsi endirəcək qurğu verəcəyini qeyd edib. İlkin mərhələdə ABŞ Ukraynaya 47 milyon dollarlıq satış həyata keçirəcək. Rusiya isə ABŞ bu addımdan çəkinməyə dəvət edib.