Poçta basqın: girovlar azadlıqda - Yeniləndi

20.08

Ukraynanın Xarkov şəhərində silahlı şəxs poçta basqın edərək 11 nəfəri girov götürüb.

Teleqraf.com Rusiya KIV-ə istinadən xəbər verir ki, girov saxlanılan şəxslərdən ikisi uşaqdır.

Hadisə yerinə polis qüvvələri cəlb edilib.

***

20.53

Ukrayna Təhlükəsizlik Xidmətinin rəhbəri Prezident Petro Poroşenkoya Xarkovda poçt şöbəsində girov götürülənlərdən 5 nəfərin azad edildiyini məruzə edib.

Teleqraf.com-un xəbərinə görə, bu barədə Prezident Petro Poroşenkonun mətbuat katibi Svyatoslav Tseqolko bildirib.

Azad edilənlərdən ikisi uşaqdır.

***

00.40

Xarkovda girovların azad edilməsi zamanı ölən və yaralanan olmayıb.

Teleqraf.com Rusiya KİV-ə istinadən xəbər verir ki, bu barədə Ukrayna milli polisinin rəhbəri Sergey Knyazev bildirib:

"11 nəfəri girov götürən şəxs saxlanılıb. Ölən və yaralanan yoxdur".