İran ABŞ-dan BMT-yə şikayət etdi

İran ABŞ-ı onun daxili işlərinə qarışmaqda ittiham edib.

Teleqraf.com xarici mediaya istinadla xəbər verir ki, bu səbəbdən Tehran Vaşinqtondan BMT-yə şikayət edib.

Bununla bağlı İranın BMT-dəki daimi nümayəndəsi Qulaməli Xosrov məlumat verib.

O, məsələ ilə bağlı Tehran tərəfinin məktubunu BMT Baş katibi Antonio Quttereşə və BMT Təhlükəsizlik Şurasına təqdim etdiyini deyib:

“ABŞ Prezidenti Donald Tramp və vitse-prezident Mayk Pens Tvitterdə İran xalqını etirazlara təhrik edən fikirlər paylaşırlar. Bu, İranın daxili işlərinə müdaxilədir”.

Xosrov BMT-ni ABŞ-ın bu addımlarını qınamağa çağırıb.